Atli Gregersen, liðskipari hjá Víkingi, hevur fingið leikbann í tveir dystir, eftir at hann bleiv útvístur í 2-1 tapinum fyri HB farna vikuskiftið.
Les eisini: (Video) Samandráttur frá HB-Víkingur 1-2 (her sæst umrødda støðan eisini móti endanum av samandráttinum)
Atli fekk beinleiðis reytt kort, tá hann tveitti seg í eina takling við Teit M. Gestsson, málverja hjá HB. Atli Gregersen verður dømdur fyri at koma ov seint í taklingina við strektum beinum og dubbunum fremst.
Les eisini: (Ljóðbrot) Klárt fríspark til Geza
Fótbóltssambandið hevur givið Atla leibann í tveir dystir, eftir punkt 3 í vegleiðingini um leikbann.
Les eisini: (Ljóðbrot) Teitur um taklingina
Har stendur:
3. LEIKBANN 2 DYSTIR
Verður vanliga givið fyri eitt sindur grovari brot, sum m.a.
- at sparka ella sláa í sambandi við stríð um bóltin
- fyri roynd at sparka ella sláa um bólturin ikki er í spæli, ella um spælið fyrigongur aðrastaðni á vøllinum.
- Fyri at nýta sera ljótan munn ímóti dómara.
(ljót orð, ljótan atburð, vísa fingurin o.l.)
- fyri at spýta
- fyri harðligan atburð mótvegis við- ella mótstøðuleikara.
Atli Gregersen skal sostatt sita yvir í dystunum móti KÍ á útivølli og AB á heimavølli.
