Andstøðuleiðarin í Myanmar, Aung San Suu Kyi, sum er á rundferð Evropa, kom í gjár til Fraklands, sum er tað seinasta landið, sum hon vitjar á hesum sinni.
Frammaundan hevur hon verið í Sveis, Noregi, Írlandi og Bretlandi. Í London vitjaði hon Undirhúsið og tosaði eisini við David Cameron, forsætisráðharra (myndin).
Í París skal Aung San Suu Kyi hitta Francois Hollande, forseta, Laurent Fabius, uttanríkisráðharra, Bertrand Delanoe, borgarstjóra í París og formenninar í teimum báðum tingdeildunum. Hon skal eisini hitta mannarættindafelagsskapir og Myanmar-búgvar, sum búgva í Fraklandi.
Aung San Suu Kyi steðgar tríggjar dagar í Fraklandi.
