Sum vit skrivaðu fyrr í dag, so rendu tveir bilar saman í Kollafirði tíðliga seinnapartin. Vakthavandi á politistøðini í Havn sigur nú, at annar bilførarin fór við sjúkrabili á Landssjúkrahúsið til kanningar, tí stoyturin var so mikið ógvusligur.
- Báðir bilarnir fóru í knús og kundu ikki koyra av staðnum, men okkum kunnugt er persónsskaðin ikki álvarsligur, sigur vakthavandi.
