Tað var sjáldsama stórur áhugi fyri at sleppa at greiða atkvøðu á kirkjuráðsvalinum í Tórshavnar Eystaru Sókn í gjár. 20 ár eru síðani, at borgarar í hesum partinum av høvuðsstaðnum sluppu at velja til kirkjuráðið, og tað hevur kanska gjørt sítt til, at áhugin hesaferð var so mikið stórur.
Bæði ung og gomul
Jensa Heinesen, forkvinna í valnevndini, segði, tá ið liðugt var at telja atkvøðurnar um tíggjutíðina í gjárkvøldið, at 1074 fólk høvdu greitt atkvøðu. Hon fegnaðist um góðu undirtøkuna til valið, og seliga hugaligt helt hon tað verða, at tað vóru fólk í øllum aldri, ið høvdu víst valinum áhuga.
Valluttøkan kundi eisini verið væl hægri, tí sum skilst vóru tað fleiri veljarar, ið vendu við aftur, tá ið tey sóu longu bíðirøðina.
Bíðirøðin var long
