Ein dystur í 15. umfari í bestu landskappingini verður í kvøld.
Klokkan 19 bríkslar Jóhan Hendrik Ellefsen fyri fyrstu ferð í Sarpugerði, har Víkingur fær vitjan av B36.
Víkingur er næstfremst við 34 stigum – 9 stig aftanfyri KÍ – og B36 er á fjórða plássið við 22 stigum.
Tá ið B36 í fjórða umfari hevði vitjan av Víkingi, fóru gestirnir úr Gundadali við 3-0 sigri.
Tað verður so ofta tikið til, at B36 hevur ilt við at vinna stig og sigrar ímóti teimum fremru á stigatalvuni, og soleiðis hevur tað verið higartil í ár. B36 hevur tapt ímóti KÍ (ú), HB, Víkingi (h), HB og KÍ (h). B36 hevur vunnið 2-0 á útivølli ímóti NSÍ, sum tað ikki hevur fingið so væl hjá í ár.
Tølini siga, at í fjør royndist tað hampuliga væl hjá B36 ímóti Víkingi. Fyrri heimadysturin endaði 2-2, í Gøtu vann Víkingur 1-0, og so vann B36 2-0 á heimavølli. Í hálvfinaluni í kappingini um løgmanssteypið vann Víkingur 1-0 í Sarpugerði, og so var tað, at B36 við fínum avriki og 3-0 sigri vann seg í steypafinaluna, sum B36 4. desember og eftir 1-1 og brotssparkskapping vann.
Hjá B36 eru Andrass Johansen og Andrias H. Eriksen skaddir, og hjá Víkingi eru Olaf Bárðarson og Ingi Jonhardsson tøkir aftur, eftir at teir vóru leikbannaðir í 3-1 sigrinum á útivølli ímóti NSÍ. Andreas Lava Olsen hevur seinastu vikurnar ikki vant saman við liðfeløgunum.
Víkingur – B36: Jóhan Hendrik Ellefsen kl. 19.00
-
KÍ | 15 | 14 | 1 | 0 | 43 | 4 | 43 |
Víkingur | 14 | 11 | 1 | 2 | 44 | 12 | 34 |
HB | 14 | 7 | 4 | 3 | 27 | 18 | 25 |
B36 | 14 | 7 | 1 | 6 | 25 | 12 | 22 |
EB/Streymur | 14 | 6 | 2 | 6 | 17 | 25 | 20 |
AB | 15 | 5 | 1 | 9 | 23 | 43 | 16 |
NSÍ | 15 | 5 | 0 | 10 | 21 | 39 | 15 |
07 Vestur | 14 | 3 | 3 | 8 | 14 | 32 | 12 |
B68 | 14 | 3 | 2 | 9 | 13 | 32 | 11 |
Skála | 15 | 1 | 5 | 9 | 17 | 27 | 8 |