B71 skrivar á Facebook, at felagið nú fær eitt fjepparafelag. Endamálið er at økja um áhugan og stuðul til felagið B71 á ymiskar mátar. Nú leita tey eftir einum navni.
- Seinasta fríggjakvøld hittust B71 fjepparar og fundaðust inni í Dal. Evnið var stovnan av einum nýggjum fjepparafelagið, ið hevur til endamáls at økja um áhugan og stuðul til felagið B71 á ymiskar mátar. Í løtuni sóknast felagið eftir fólki, ið vilja vera partur av stovnandi nevndini og hettar arbeiði skal vera liðugt og nýggja nevndin funnin til sunnudagin 17. juli, har tað vónandi ber til at seta nýggjasta fjepparafelagið í landinum á stovn, skrivar áhugabólkurin fyri fjepparafealgið á Facebook hjá B71.
Tað verður nú leitað eftir fólki, sum hava áhuga at verða ein partur av fjepparafelagnum, og tað verður eisini leitað eftir einum navni búmerki. Til hetta burturlutar B71 tvey árskort fyri 2022.
- Uppgávan er at koma við uppskotum til nýggja navn fjepparafelagsins og so ber samstundis til at koma við einum búmerkja uppskotið. Til ber at koma við uppskotið til annahvørt navn ella búmerkið, men eisini bæði, um áhugi er fyri tí. Loyvt er at koma við so nógvum uppskotum sum man ynskir, umframt at man er vælkomin til at forklára hugskotini aftanfyri nøvn og búmerkini, og tað er ikki krav at duga væl at tekna fyri at gera eitt búmerki. Hugskotini eru tey týdningarmiklastu, so haldið tykkum endiliga ikki aftur, óansæð aldur ella listarligu førleikarnar, eru greiðu boðini frá áhugabólkinum.
Uppskotini skulu sendast við telduposti til [email protected]. Evsta mark er 17.juli.
