Liðini hjá Hákuni West á Teigum og Vilhelmi Poulsen í bestu donsku hondbóltsdeildini taptu bæði í kvøld.
Hákun og liðfelagarnir í Skanderborg Århus taptu 28-30 fyri Bjerringbro/Silkeborg á útivølli. Thomas Arnoldsen skoraði til 28-28 tá 63 sekund vóru eftir av dystinum, men tíverri skoraði heimaliðið tvær ferðir seinasta minuttin av dystinum.
Í steðginum var heimaliðið á odda 16-11.
Hákun skoraði trý mál fyri Skanderborg Århus í kvøld.
Vilhelm Poulsen og liðfelagarnir í Lemvig-Thyborøn taptu greitt 22-29 fyri Skjern á útivølli.
Í steðginum var Skjern á odda 17-12.
Vilhelm skoraði tvey mál fyri Lemvig-Thyborøn i kvøld.
Skanderborg Århus er nummar níggju í deildini við átta stigum. Lemvig-Thyborøn er triðaftast við bert fýra stigum.
