##med2##
Øll leiðslan í BankNordik verður nú nýtt. Fyri góðari viku síðani varð øll nevndin í BankNordik koyrd frá á aðalfundi. Og í dag hevur forstjóri bankans, Árni Ellefsen, sagt seg úr starvi.
Árni Ellefsen hevur verið í bankanum í 11 ár. Fyrstu árin var hann partur av leiðsluni, og tá Janus Petersen varð koyrdur frá sum stjóri í 2015, varð Árni Ellefsen fyrst settur sum fyribilsstjóri, og seinni sum stjóri.
Hetta starvið hevur hann røkt síðani hendan septemberdagin í 2015, tá hann brádliga gjørdist bankastjóri.
Árni Ellefsen hevur 12 mánaðir uppsagnartíð. Men hann væntar ikki at sita í starvinum allar 12 mánaðirnar, men hann situr sum stjóri til nýggjur stjóri er funnin.
Trýstið á pílin omanfyri at hoyra samrøðu, sum Árni Gregersen hevði við Árna Ellefsen í tíðindunum á FM1 klokkan 11.
Tíðindasendingarnar á FM1 kunnu hoyrast á midlar.fo
