FC Barcelona vann í kvøld 2-1 á Real Madrid í sonevndu “El Clasico” uppgerðini millum arvafíggindarnar í sponskum fótbólti. Sigurin hevur við sær, at FC Barcelona nú er 12 stig frammanfyri Real Madrid.
Katalanska stórfelagið er í fíggjarligari kreppu og er undir illgruna, fyri at hava goldið pengar fyri at fáa dømingar í sín lut. Tað fyrra er væl dokumentera, meðan seinna enn er ein illgruna, sum forsetin í felagnum av øllum alvi royni at siga ikki passar.
FC Barcelona skal hava goldið fleiri milliónir krónur til eina fyritøku hjá varastjóranum í dómarafelagnum fyri greiningar av dómaraavrikum í tíðarskeiðnum frá 2001 til 2018. Hetta verður í løtuni kannað av La Liga, men kemur helst ikki at hava ítróttarliga avleiðingar, tí málið er fyrnað á tí økinum.
Á vøllinum hevur FC Barcelona fingið nakað av uppreisn í heimligu kappingini. Í kvøld kundi krúnan setast á góðu avrikini í landskappingini. Real Madrid kom á odda í fyrra hálvleiki, men við seinasta sparkinum í fyri hálvleiki javnaði Sergio Roberto.
Í yvirtíðini skoraði innskifti Franck Kessie 2-1 til heimaliðið, sum harvið vann 2-1 og nú er risafavorittur at vinna La Liga. FC Barcelona vann eisini “El Clasico” fyri trimum vikum síðani í fyrru hálvfinaluni í sponsku steypakappingini.
1 | Barcelona | 26 | 22 | 2 | 2 | 49:9 | 68 |
2 | Real Madrid | 26 | 17 | 5 | 4 | 51:21 | 56 |
3 | Atlético Madrid | 26 | 15 | 6 | 5 | 42:19 | 51 |
4 | Real Sociedad | 26 | 14 | 6 | 6 | 35:24 | 48 |
5 | Real Betis | 26 | 13 | 6 | 7 | 34:26 | 45 |
6 | Villarreal | 26 | 12 | 5 | 9 | 32:24 | 41 |
7 | Athletic Bilbao | 26 | 10 | 6 | 10 | 36:28 | 36 |
8 | Rayo Vallecano | 26 | 9 | 9 | 8 | 31:30 | 36 |
9 | Osasuna | 26 | 9 | 7 | 10 | 22:27 | 34 |
10 | Celta de Vigo | 26 | 9 | 7 | 10 | 32:35 | 34 |
11 | Mallorca | 26 | 9 | 5 | 12 | 22:27 | 32 |
12 | Girona | 26 | 8 | 7 | 11 | 40:41 | 31 |
13 | Getafe | 26 | 7 | 8 | 11 | 27:34 | 29 |
14 | Sevilla | 26 | 7 | 7 | 12 | 29:42 | 28 |
15 | Cádiz | 26 | 6 | 10 | 10 | 21:38 | 28 |
16 | Real Valladolid | 26 | 8 | 4 | 14 | 20:38 | 28 |
17 | Espanyol | 26 | 6 | 9 | 11 | 32:42 | 27 |
18 | Almería | 26 | 7 | 5 | 14 | 30:45 | 26 |
19 | Valencia | 26 | 7 | 5 | 14 | 28:31 | 26 |
20 | Elche | 26 | 2 | 7 | 17 | 19:51 | 13 |