BBR Service, sum er vakri bygningurin á adressuni Skriðugøta 18 á Lambareiði, er ein fyritøka, sum leggur stóran dent á at hava nøgd viðskiftafólk.
- Vit stremba altíð eftir at veita allarbestu tænastu og at halda tær tíðir, sum eru avtalaðar, um einki óvæntað stingur seg upp.
Tað sigur Bogi Rasmussen, stjóri í BBR Service.
- Á verkstaðnum hava vit nýggjastu útgerð, sum er á marknaðinum, og vit halda okkum altíð dagførdar.
Umvæla øll bilmerki
BBR Service hevur teldur, testarar og onnur framkomin tól og amboð, soleiðis at viðskiftafólk altíð kunnu kenna seg trygg við at koma á verkstaðið á Lambareiði.
- Vit hava nógv og góð viðskiftafólk, sum vitja aftur, tá tørvur er, og okkurt skal gerast við bilin.
BBR Service tekur sær av øllum bilmerkjum.
- Vit gera allar vanligar mekaniskar umvælingar, oljuskift, dekkskift, sporing, og vit gera eisini umsýn, sigur Bogi Rasmussen.
Um BBR Service
Á heimasíðan hjá BBR Service www.bbr.fo fæst meira at vita um fyritøkuna, og telduposturin er [email protected].
Fyritøkan hevur eisini Facebook-vangan við navninum BBR Service.
- Øll eru vælkomin at venda sær til okkara, og vit eru altíð til reiðar at geva óbindandi tilboð upp á tað, sum skal gerast við bilin, sigur Bogi Rasmussen, stjóri í BBR Service.
Nútímans verkstaður
Fyritøkan hevur røtur aftur til 1996.
Fyrstu 11 árini varð húsast undir trongum umstøðum við Løkin í Runavík, men í 2007 flutti BBR Service í nútímans verkstaðsbygningin á Lambareiði.
