Tað bleiv málleyst millum Kroatia og Belgia. Tað var ein stórur sigur fyri Kroatia, sum saman við Marokko er víðari úr bólki F. Marokko vann bólkin við sigri á Kanada.
Kroatia – Belgia 0-0 (0-0)
Kanada – Marokko 1-2 (1-2)
0-1 H. Ziyech, 4
0-2 Y. En-Nesyri, 23
1-2 N. Aguerd, 40 sjálvmál
Marokko greiddi sína skyldu longu í fyrra hálvleiki. Hakim Ziyech skoraði longu aftaná fýra minuttir, tá hann fekk ein jólagávu frá kanadiska málverjanum, ið trillaði bóltin fyri føturnar á honum. Youssef En-Nesyri økti til 2-0, áðrenn Nayef Aguerd gjørdi sjálvmál.
Belgia skuldi vinna á Kroatia, fyri at koma víðari. Belgia hevur verið fyri nógvum atfinningum, og tað verður skrivað nógv um innanhýsis ósemjur í hópinum. Belgia kundi tó havt vunnið dystin, um Romelu Lukaku bara vendi rætta veg einaferð.
Innskifti áleyparin skal ikki hava alla skyldina, tí hann kom hóast alt í støðurnar, men tað gekk illa at umsett til mál. Kroatia mundi helst í fleiri førum halda ondini, meðan Romelu Lukaku stríddist við at fáa bóltin í málið.
Tað var kanska meira hepni enn nakað annað, at dysturin endaði við málleysum javneliki. Tað merkir, at Kroatia er víðar sum nummar tvey. Bólkur F verður paraður við bólk E, sum verður avgreiddur í kvøld.
Bólkur F:
1: Marokko 7
2: Kroatia 5
3: Belgia 4
4: Kanada 0