Real Madrid vann í gjár 4-1 á Valencia og hevur reist seg, eftir at kongafelagið óvæntað tapti ársins fyrsta dyst. FC Barcelona misti á stokkinum móti Granada og krepputekin síggjast væl.
Real Madrid er greitt oddalið í sponsku landskappingini. Tí kom tað óvart á, tá Real Madrid tapti fyri Getafe í ársins fyrsta dysti. Í gjár var mótstøðan sterkari, men avrikið var eisini meira sannførandi.
Heimaliðið vann 4-1, og hóast illar tungur halda at Real Madrid fekk nakar fyrimunir í dystinum, so er úrslitið ikki til at taka feil av. Karim Benzema og Vinicius Junior skoraðu tvey mál í part. Fyri Karim Benzema er talan um mál nummar 300 fyri Real Madrid.
FC Barcelona hevur verið í kreppu í longri tí, men við einum sigri á Granada kundi katalanska stórfelagið vunnið seg upp á triðja plássi, men so bleiv ikki. Hóast Luuk de Jong legði gestirnar úr Barcelona á odda, so endaði tað við útvísting til Gavi og útjavnandi máli til Granada. Og tað var uppiborið.
Í dystinum bleiv miðverjin, Eric Garcia, skaddur og skal sita uttanfyri í upp til fimm vikur. Hóast FC Barcelona hevur útleigað Phillipe Coutinho til Aston Villa, so er tað ikki nokk til at skráseta nýkeypið, Ferran Torres. Tú kundi sagt, at eftir 1-0 sigurin á Mallorka í farnu viku, so er alt við tað sama í rokaliga stórfelagnum, sum nú er nummar seks í La Liga.
1 | Real Madrid | 21 | 15 | 4 | 2 | 45:18 | 49 |
2 | Sevilla | 19 | 12 | 5 | 2 | 30:13 | 41 |
3 | Real Betis | 19 | 10 | 3 | 6 | 32:23 | 33 |
4 | Real Sociedad | 20 | 9 | 6 | 5 | 22:21 | 33 |
5 | Atlético Madrid | 19 | 9 | 5 | 5 | 31:22 | 32 |
6 | Barcelona | 20 | 8 | 8 | 4 | 31:23 | 32 |
7 | Rayo Vallecano | 19 | 9 | 3 | 7 | 26:20 | 30 |
8 | Villarreal | 19 | 7 | 7 | 5 | 31:20 | 28 |
9 | Valencia | 20 | 7 | 7 | 6 | 32:32 | 28 |
10 | Athletic Bilbao | 20 | 6 | 9 | 5 | 20:17 | 27 |
11 | Espanyol | 19 | 7 | 5 | 7 | 22:22 | 26 |
12 | Granada | 20 | 5 | 9 | 6 | 24:27 | 24 |
13 | Celta Vigo | 20 | 6 | 5 | 9 | 22:23 | 23 |
14 | Osasuna | 19 | 5 | 7 | 7 | 18:25 | 22 |
15 | Mallorca | 20 | 4 | 8 | 8 | 17:30 | 20 |
16 | Getafe | 19 | 4 | 6 | 9 | 13:20 | 18 |
17 | Elche | 19 | 3 | 7 | 9 | 18:27 | 16 |
18 | Alavés | 19 | 4 | 4 | 11 | 16:30 | 16 |
19 | Cádiz | 19 | 2 | 8 | 9 | 15:32 | 14 |
20 | Levante | 20 | 1 | 8 | 11 | 21:41 | 11 |