Tá tey á Fiskamarknaði Føroya gjørdu sínar metingar fyri ráfiskatilfeingið hesa vikuna, vistu tey at siga, at bara eitt frystilínuskip er til fiskiskap í løtuni.
- Skipið fiskar í Eysturgrønlandi, og restin av línuflotanum liggur, varð lagt aftrat. Soleiðis er heldur einki ísfiskalínuskip til fiskiskap í løtuni.
Streymurin er harður, men hann linkar, sum henda vikan gongur.
- Veðrið verður gott, men av tí, at ólavsøka nú er beint fyri stavn, verður ikki roknað við nøkrum serligum útróðri teir næstu dagarnar, verður lagt aftrat.