Tað sær ikki út til, at nakar av avbjóðarunum er førur fyri at standa dreingjunum umborð á Ingibjørg kurl í kappingini millum barnamanningar.
Dreingirnir hjá Havnar Róðrarfelag vunnu á norðoyastevnu, og teir vunnu leygardagin á jóansøku.
Í kvøld kappaðust teir í Hósvík, og aftur hesaferð fór Ingibjørg fyrst um málið.
Á jóansøku var Falkur úr Hósvík nummar tvey. Í kvøld gekk tað ikki heilt so væl hjá teimum úr Hósvík, sum endaðu á fjórða plássi. Tjaldrið hjá Kappróðrarfelagnum NSÍ var nummar fýra á jóansøku. Í kvøld endaði Tjaldrið á øðrum plássi.
Ingibjørg var tað mesta av einari bátslongd undan Tjaldrinum, og Tjaldrið var eina bátslongd frammanfyri Firild av Tvøroyri, sum var nummar trý bæði á jóansøku og í kvøld.
1 Ingibjørg 02.31.49
2 Tjaldrið 02.33.35
3 Firildur 02.36.28
4 Falkur 02.38.19
5 Jallurin 02.43.08
6 Beinta 02.43.08
7 Svalan 02.43.27
8 Ternan 02.46.37
9 Ørnin 02.50.03
10 Tekla 02.55.47
11 Knúkur 02.59.12
