Grønlendska ferðavinnan heitir inniliga á føroyingar um hjálp í royndini at vinna heiðurslønina The Webby Awards. Hetta er ein kapping millum ferðavinnuheimasíður.
Føroyingar kunnu stuðla við at fara inn á pv.webbyawards.com/ballot/50) og atkvøða fyri greenland.com.
Fimm heimasíður eru tilnevndar, og í morgin fellur avgerðin.
Frammanundan liggja New Zealand og New York at vinna í kappingin. Grønlendska heimasíðan liggur sum nummar trý.
- Vit hava altíð havt gott samstarv við Føroyar um ferðavinnu, og nú vóna vit at fáa eitt gott úrslit í atkvøðugreisluni í The Webby Awards. Tað hevði frøtt okkum sera nógv, um fleiri føroyingar hava hug til at hjálpa okkum við at arga tey stóru, sigur Anders Stenbakken, stjóri í Visit Greenland.
