Amerikanski forsetin, Joe Biden, setti í gjár niður fongsulsdómar hjá 11 fólkum, sum hava fleiri tíggju ára langar dómar fyri rúsevni, tó uttan harðskap og hevur náðað fleiri túsund onnur, sum hava samveldisdómar fyri at hava havt marihuana.
Biden sigur, at tað skal vísa misjavna í dómum, sum leingi hevur gingið serliga út yvir svartar amerikanarar eins og víðka átakið hjá Biden við at endurnýggja lógina, sigur Biden í boðum.
– Amerikavarð stovnað upp á prinsippið um javnt rættvísi fyri lógini, sigur Biden.
– Fólkavald á báðum síðum, átrúnaðarligir leiðarar, borgararættindastríðsfólk og leiðarar í løgregluni eru samd um, at revsiskipan okkara kann og skal endurspegla tað kjarnuvirði, sum ger samfelag okkara til tað tryggasta og sterkasta.
USA hýsir minni enn fimm posentum av heimsins fólki, men einum fimtingi av heimsins fangum.
Ein ósamsvarandi stórur partur av teimum eru persónar, sum ikki eru hvítir. Tann bólkurin av menniskum er eisini ein munandi partur av veljarum hjá Biden.
Biden ger seg til reiðar til eitt spennandi ár við valstríði innan forsetavalið næsta ár. Undirtøkan hjá forsetanum er dalandi – serliga millum tey ungu.
Sambært Hvítu Húsunum sita nøkur av teimum fólkum, sum eru náðað, lívstíðardómar.
Boðini frá Biden í gjár merkja, at persónar, sum eru »dømdir fyri brotsgerðina at hava marihuana einfalt uppi á sær, einfalda roynd at hava marihuana ella nýtslu av marihuana«, kunnu náðast.
Einføld umsiting av marihuana fevnir um, at túhevur havt eina lítla mongd uttan at ætla tær at selja tað víðari.
Ein embætismaður í Hvítu Húsunum sigur, at fleiri túsund personar við samveldisdómum ella dómum frá Washington D. C. kunnu náðast.
Stjórnin hevur sett í verk eina umsóknartilgongd, so tey náðaðu kunnu fáa eitt serligt skjal, um ta er tørvur á tí til umsóknir um arbeiða ella íbúð.
/ritzau/Reuters
