9 færri persónbilar eru seldir ársins fyrstu fimm mánaðir í mun til sama tíðarskeið í fjør.
Tað vísa hagtølini frá Akstovuni, sum hevur gjørt upp støðuna, nú mánaðarskifti er.
Higartil í ár eru seld til samans 1016 akfør, sum er ein afturgongd upp á 38 í mun til sama tíðarskeið í fjør, ella 3,6 prosent.
Fyri persónbilur, sum eru teir flestu í hagtølunum, er afturgongd 1,1 prosent. Higartil í ár eru seldir 797 nýggir persónbilar í mun til 806 sama tíðarskeið í fjør. Tað er ein munur upp á 9 bilar.
Farnu mánaðirnar hevur munurin verið nógv størri, og tað merkir, at afturgongdin er minkað og nú er um at javna seg.
##med2##
Í talvuni omanfyri síggjast hagtølini fyri ymsu akførini.