Frederiksberg Volley, við føroysku Birgit Guttesen og Sofíu Purkhús á liðnum, tapti mikukvøldið 3-1 fyri Brøndby í fyrru hálvfinaluni í steypakapingini.
Tær hava fyrr havt trupulleikar við Brøndby í landskappingini, men sum sett úrslitini vísa, so er talan um ein javnan dystin. Tað var tað eisini seinast Frederiksberg tapti fyri Brøndby, sum eisini liggur nummar eitt í landskappingini.
Bæði Birgit og Sofía vóru á vøllinum í dystinum. Frederiksberg skal nú vinna seinnu hálvfinaluna, um tær skulu hava nakran møguleika at koma í steypafinaluna.
Seinna hálvfinalan millum Frederiksberg Volley og Brøndby Volleyball Klub verður 19. desember í Brøndby. Birgit og Sofía skulu tó í dyst aftur sunnudagin á heimavølli móti Holte IF í landskappingini. Frederiksberg er nummar 4 av átta liðnum í bestu deildini í Danmark.
Frederiksberg – Brøndby 1-3
0-1 22-25
1-1 25-23
1-2 21-25
1-3 19-25
