Unga Bjørk Herup Olsen kom á mál við tíðini 4 minuttir og 54 sekund, tá hon hevði lagt 1500 metrar aftur um bak á leikvøllinum á Kallipateira skamt uttan fyri Rhodos-bý. Henda tíðin rakk til eitt tíggjunda pláss av, og hóast hetta ikki er ein plasering havnardaman er von við, so kann Bjørk Herup Olsen bara vera vælnøgd við sítt avrik.
Tað er nevniliga so, at besta tíð hennara áður er 4 minuttir og 51 sekund, og undir givnu umstøðum á Rhodos, er tað eitt frálíkt úrslit hjá unga rennaranum úr Havn.
