Eitt 19 mánaðar gamalt gentubarn hevur tað gott, eftir at barnið er bjargað upp úr einum djúpum brunni í Thailandi.
Útlendskir tíðindamiðlar vita at siga, at hendingin fór fram seinnapartin í gjár, og bjargingararbeiðið fór fram alla síðstu nátt.
Gentan datt niður í ein 15 metra djúpan brunn, sum hevur eitt tvørmát á 30 sentimetrar.
Hendingin fór fram í landslutinum, Tak, sum liggur nær markinum til Myanmar.
- Hon er útlúgvað, men er annars væl fyri, sigur løgregluleiðarin í økinum, Ratsaran Ketsoising.
Í morgun varð gentan, sum eftir øllum at døma hevur verið sera heppin, løgd inn á sjúkrahús til heilsukanningar.
Tað er eitt nú norska Dagbladet, sum skrivar um hendingina.