Argjagentur umborð á Bliki vunnu á norðoyastevnu, og á sundalagsstevnu í Hósvík í dag lótu tær á Argjum ongan iva vera um úrslitið.
Blikur legði seg beinanvegin á odda, og síðani var spurningurin bara, hvussu sannførandi sigurin fór at verða.
Tá ið málið var hálvrógvið slitnaði millum tveir teir fremstu, og á málinum var Blikur tað mesta av tveimum bátslongdum frammanfyri Drekan.
Drekin hjá Havnar Róðrarfelag var næstfremst á norðoyastevnu, og Drekin var aftur í dag næstfremst. Tað var ein stór bátslongd frá Drekanum og aftur til Firvald, sum á norðoyastevnu endaði á sætta plássi, og Frúgvin úr Miðvági vann kappingina um fjórða plássið við Rókin, sum eisini er úr Miðvági.
1 Blikur 5.53.30
2 Drekin 5.57.16
3 Firvaldur 6.01.04
4 Frúgvin
5 Rókurin
6 Báran
7 Kollur
8 Fenja
9 Sílið
10 Falkur
11 Ørnin
