Niclas Johannesen
31 ára gamli havnarmaðurin Magnus Johannesen hevur pakkað keyboard og leidningar og er nú á veg til Kongens København.
Tað er Føroyavinurin Holger Laumann, ið hevur sent boð eftir Magnussi. Á skránni er jólaævintýrleikur, ið verður spældur á Folketeatret á Nørrebro. Talan er um um kent jólaævintýr ? ein familjuleik ? eftir mæta rithøvundanum Charles Dickens. Holger Laumann er kappelmeistari. Hann fer at spæla obo, og aftrat keyboardspælinum hjá Magnusi verður eisini cellospæl.
? Hetta kom í roynd og veru í lag fyri hálvum øðrum ári síðani, tá vit spældu inn fløguna ?Greengate?, sigur Magnus Johannessen. Á hesi útgávu høvdu Magnus og Holger skrivað meginpartin av løgunum. Og teir hava eisini arbeitt saman í øðrum høpi í Danmark.
Deiligt skifti
Magnus Johannessen sigur, at hetta er ein sera góður kjansur at fáa.
? Eg havi áður arbeitt innan danska sjónleikarlívið og hesin kjansur gevur mær høvið at halda tað sambandið við líka.
Magnus váttar eisini, at fíggjarliga er talan eisini um ein góðan kjans. Í Føroyum undirvísir Magnus í klaverspæli og í teori.
Leikurin verður sýndur fram til 22. desember.
? Eg havi flogferðaseðil heim 23. desember. So eg haldi jól í Føroyum, sigur Magnus, sum eisini flytir heimaaftur tá.
