Tað er ofta trongt við Vágs Skúla, tá ið børnini koma í skúla um morgunin og tá ið skúlin er liðugur seinnapartar.  Men nú hevur Vágs Býráð tikið stig til at bøta um trygdina. Í hesum sambandi er eitt parkeringspláss gjørt á vegnum oman fyri kommunuskrivstovuna, sum stendur undir liðini á skúlanum.      

Tað er pláss fyri seks bilum á nýggja parkeringsplássinum og har ber til hjá bilum at steðga ímeðan børn verða sett av, ella verða tikin upp í. Enn manglar at leggja asfalt á og tað verður væntandi gjørt fyrst í juni. Samstundis er eisini ein gøta gjørd av av høvuðsvegnum niðan fyri, niðan á parkeringsplássið, soleiðis at barnavognar og súkklir kunnu sleppa tann vegin, niðan á Toftaveg.