Borgarliga forsætisráðharraevnið í Svøríki, formaðurin í Moderaterna, Ulf Kristersson, er givin við royndunum at skipa nýggja stjórn. Tað upplýsti hann á tíðindafundi í morgun.
Hann hevur seinastu dagarnar havt samrøður við ymsar flokkar í svenska tjóðartinginum, Ríkisdegnum. Hesar samrøður hava givið honum ta fatan, at tað er ein meiriluti í Ríkisdegnum ímóti eini stjón við honum á odda.
– Parlemtarisku fortreytirnar fyri at skipa eina borgarliga stjórn eru ikki til staðar, segði hann á tíðindafundinum.
– Eg havi sagt tingformanninum, at tað eru ikki fortreytir fyri at halda fram, tá tað eru 175 tingfólk ímóti.
Tað er tingformaðurin, sum stendur á odda fyri samráðingum um at skipa nýggja stjórn. Tað er í tí hann, ið ger av, hvat skal henda nú.
/ritzau/
