Lokalir miðlar í spanska høvuðsstaðnum, Madrid, vita í dag at siga, at ein brævbumba er brostin á ukrainsku sendistovuni í býnum.
Spanska løgreglan váttar hendingina, sum eitt nú lokali miðilin, El Mundo, skrivar um, og her verður sagt, at talan er um eina brævbumbu.
Eitt starvsfólk á sendistovuni skal hava fingið minni skaða av spreingingini.
Løgreglan hevur avbyrgt økið, og yvirgangsdeildin hjá løgregluni er á staðnum. Leitað verður eisini við bumbuhundum.
Reuters veit at siga, at uttanríkisráðharrin í Ukraina, Dmytro Kuleba, biðir nú um øktan tryggleika við allar ukrainskar sendistovur.
##med2##
