Brasil er í Confederations Cup finaluni, eftir at teir í kvøld vunnu 2-1 á Uruguay. Paulinho skoraði avgerandi málið fáar minuttir fyri tíð.
Vertstjóðin fyri Confederations Cup kappingini, Brasil, verður annar parturin av finaluni. Brasil vann í kvøld 2-1 í tøttum dysti móti Uruguay, sum millum annað brendi brotsspark í dystinum.
Fred legði Brasil á odda stutt fyri hálvleik, tá Neymar fór tuskaði avstað í vinstru og fekk lagt bóltin innfyri til framherjan, ið skoraði.
Seinni hálvleikur var bara tríggjar minuttir gamal, tá Edinson Cavani eftir trunkaspæl í brotsteiginum, fekk fótin á og javnaði.
Bara fýra minuttir restaði í, tá avgerðin fall. Neymar sendi hornaspark innfyri og har var Paulinho hægstur og stútaði bóltin í málið til 2-1.
Brasil er nú í Confederations Cup finaluni. Hin hálvfinalan verður í annaðkvøld millum Spania og Italia.
Confederations Cup 2013:
Brasil Uruguay 2-1(1-0)
1-0 Fred, 41
1-1 Edinson Cavani, 48
2-1 Paulinho, 86
Brasil:(4-3-3)
Julio Cesar - Dani Alves, Thiago Silva, Luiz, Marcelo - Oscar (Hernanes 72), Gustavo, Paulinho - Fred, Hulk (Bernard 64), Neymar (Dante 90).
Á bonkinum: Jefferson, Fernando, Lucas Moura, Filipe Luis, Jean, Rever, Jo, Jadson, Cavalieri.
Gul kort: Luiz, Gustavo, Marcelo.
Uruguay:(4-3-3)
Muslera - Lugano, Godin, Caceres, Maxi Pereira - Rodriguez, Arevalo Rios, Gonzalez (Gargano 83) - Forlan, Suarez, Cavani.
Á bonkinum: Castillo, Coates, Pereira, Eguren, Hernandez, Aguirregaray, Lodeiro, Perez, Ramirez, Silva.
Gul kort: Cavani, Gonzalez.
Áskoðarar: 60,000
Dómari: Enrique Osses (Kili).
