Í dag byrjar seinasta umfar í bólkaspælinum í HM. Øll liðini hava leikt tveir dystir hvør og í dag skulu bólkur A og B avgerast.
Bólkur A
Í bólki A er einki avgjørt. Tað vil siga næstan einki. Tað einasta vit vita við vissu er, at Kamerun ikki kemur víðari.
&nb
| Brasil | 3-1 | 4 |
|---|---|---|
| Meksiko | 1-0 | 4 |
| Kroatia | 5-3 | 3 |
| Kamerun | 0-5 | 0 |
Í kvøld spælir Kamerun móti Brasil og Kroatia móti Meksiko.
Brasil, Meksiko og Kroatia hava øll trý lagnuna í egnum hondum og vita, at við einum sigri eru tey tryggjaði víðari luttøku í kappingini.
Hjá Brasil og Meksiko er ein javnleikur eisini nokk, meðan Kroatia í so fall má seta sína vón á, at Kamerun vinnur móti Brasil.
Taparin av dystinum millum Meksiko og Kroatia er liðugur í HM, meðan eitt tap fyri Brasil móti Kamerun kann kosta teimum víðari luttøku í HM. Hetta hendir, um Meksiko og Kroatia spæla javnt, ella um Meksiko tapa við tveimum málum færri móti Kroatia, enn Brasil tapa móti Kamerun.
Bólkur B
Meðan so gott sum einki er avgjørt í bólki A, so er lítil spenningur eftir í bólki B. Holland og Chile eru tryggjaði víðari luttøku, meðan hvørki Spania ella Avstralia hava møguleika at leika seg víðari til næsta umfar.
| Holland | 8-3 | 6 |
|---|---|---|
| Kili | 5-1 | 6 |
| Avstralia | 3-6 | 0 |
| Spania | 1-7 | 0 |
Í kvøld spælir Holland móti Kili og Avstralia móti Spania. Spenningurin í hesum bólkinum snýr seg um, hvør endar nummar eitt og tvey. Nummar eitt í hesum bólkinum skal spæla móti nummar tvey í bólki A í næsta umfari, meðan nummar tvey her skal spæla móti nummar eitt í bólki A.
Dystirnir í dag eru soleiðis:
kl 17.00 spæla Avstralien – Spania og Holland – Kili
kl 21.00 spæla Kamerun – Brasil og Kroatia – Meksiko
