Kortini er tað ein sum í nógv ár hevur skarað framúr við kreativiteti og nýggjum framleiðslum nevniliga Annika Waag á Føroya Bjór. Annika er uttan iva besti og mest kreativi bryggjari her á landi og hon hevur eitt sera vakið eyga fyri møgulleikunum í okkara náttúru við at nýta bæði  urtrar, korn, tara osfr., og hon eigur nógvar spennandi framleiðslur hjá Føroya Bjor seinastu árini.
Aftur til hesi jól hevur hon kreerað ein Jólasnaps við vistfrøðisligum kryddi og fleiri føroyskum urtrum.
Tað sigst at Jagermeister hevur 56 ymsar urtur og Underberg 43 sløg av urtrum í sinum framleiðslum og tað verður dult sum mansmorð hvørjar hesar urtrar eru.
Hvussu nógvar føroyskar urtrar Annika hevur í sinum jólasnapsi er ikki til at siga og tað verður sjálvandi dult,  men haldi eg meg kenna fleiri, stuttligt er at smakka og gita ! Tað er hugaligt at Annika hevur megnað so hegnisliga at fáa fleri føroyskar urtrar at balancera í jólasnapsinum.
Hóast Annika kallar hann jólasnaps, so er hann ikki «snapsutur» við doyvandi alkoholsmakki, men hann er rundur, mildur, aromatiskur, sera vælsmakkandi og so er hann lagraður í Bourbon føtum sum gevur honum eyðkenda heita gula litin og við nógvum bourbon notum.
Føroya Bjór Jólasnapsurin verður uttan iva at síggja á mongum jólaborðum umframt at hann er eitt sera gott jólagávu hugskot. Tað er avmarkad nøgd framleidd verður kunnað fra Føroya Bjór.

Johan Mortensen