Hondbóltur
Jógvan Martin Mørk sigur, at øll feløgini, burtursæð frá Kyndli, á eykaaðalfundi seinast í august mánað tóku undir við uppskotinum til kappingarskrá, og at Kyndla-venjarin ikki fekk stuðul frá nøkrum í sínum sjónarmiðum.
Líka fyri øll
Kappingarstjórin vísir á, at tað hevur verið vanligt í fleiri ár, at VB hevur spælt norðanfjørðs eitt vikuskifti, og at vágskvinnur hava spælt dag um dag, meðan tær hava verið norðanfjørðs. Við nýggju kappingarskránni spæla øll liðini av og á dag um dag, og tí kann sigast, at kappingin er líka fyri øll.
- Nýggja U23-kappingin tekur fleiri vikuskifti í heyst, og tí er neyðugt í fleiri førum at spæla dag um dag fyri at fáa tað at hanga saman. Vit kundu sjálvsagt havt lagt fleiri dystir mitt í viku, men tað var breið semja millum feløgini um heldur at spæla tveir dystir nøkur vikuskifti. Kjakast var um skránna á eykaaðlafundinum, men tað var bert venjarin hjá Kyndli, sum umboðaði havnarfelagið, ið ikki kundi taka undir við kappingarskránni, sigur Jógvan Martin Mørk.
