Í dag broytti Smyril ferðaætlan, og fór longu kl. 5 í morgun úr Suðuroynni, so nøkur teirra sum t.d. skuldu við bussi til Smyril skuldu av húsum um 4 tíðina í morgun.
SSL greiddi á síni heimasíðu frá, at veðrið var orsøkin, og at hetta var fyri at tryggja, at tey sum skuldu við flogfari, náddu tað tey skuldu.
Í morgin er ferðaætlanin hjá Smyrli eisini broytt.
Strandferðslan sigur soleiðis á ssl.fo:
Fyri veður verður siglt soleiðis mikudagin 20. oktobur:
- Av Krambatanga kl. 06:00
- Av Havnini kl. 08:45
- Av Krambatanga kl. 11:30
- Av Havnini kl. 16:00
Síðani verður ikki siglt meir fyri dagin.
