Flestu partrolarapør eru til fiskiskap. Skipini fáa mest av upsa og so nakað av hjáveiði.
- Partrolararnir koma inn at landa, sum næsta vika gongur, men fiskiskapurin er smáligur.
Tað vita tey á Fiskamarknaði Føroya at siga í dag.
Bert ein djúpvatnstrolari er til fiskiskap í løtuni. Teir fiska svartkalva og koma helst inn at landa miðskeiðis í næstu viku.
Allir teir smáu trolbátarnir liggja við bryggju.
Tvey garnaskip fiska svartkalva, men fiskiskapurin er smáligur. Helst koma bæði skipini inn at landa síðst í næstu viku.
- Eitt garnaskip fiskar havtasku og hevur brúkiligan fiskiskap. Teir koma helst inn at landa miðskeiðis í næstu viku, verður lagt aftrat.
