info
Ongi úrslit

Brynja seg til framtíðina við fýra nýggjum skipum

Navigare Shipping hevur gjørt avtalu um at byggja fýra nýggj farmaskip

Vilmund Jacobsen
12. apríl 2024 kl. 11:11

Skipini verða 90 metrar til longdar við einum lastikapasiteti á 5.300 tons ella 7.800 rúmmetrar. Í dag er størsti lastikapasiteturin í felagnum 4.650 tons ella 6.000 rúmmetrar.

Seinastu 15 árini hevur Navigare Shipping ment seg til at reka ein flota við 15 skipum, ið sigla fyri kundar í Føroyum og uttanlands. Higartil hevur felagið keypt eldri skip og umbygt tey eftir tørvinum hjá felagnum.

Nú virksemið er vorðið so stórt, metir felagið, at tíðin er búgvin at endurnýggja flotan við at byggja nýggj skip. Hetta fer at tryggja burðardyggari flutning og betri manningarviðurskiftir.

Tey fýra nýggju skipini, sum skulu byggjast í Hálandi, fara at minka munandi um útlátið, tá samanborið verður við skip í tilsvarandi stødd hjá felagnum. Eisini fara nýggju skipini at klára at flyta størri nøgdir, ið merkir, at útlátið lækkar munandi fyri hvørt flutt tons.

Í skipunum verður gjørt klárt til landstreym við battarískipan, ið avmarkar útlát og ljóðdálking, tá skipið liggur í havn. Eisini verða skipini klárgjørd til ísetan av mekaniskum seglum og verða bygd soleiðis, at skiftast kann til metanol sum brennievni í framtíðini.

Eftir ætlan skal fyrsta skipið verða klárt at fara í vinnu síðst í 2025, og hini trý skipini verða leverað ávikavist í 2026 og 2027.

- Vit hava tryggjað, at skipini, sum skulu byggjast, eru sniðgivin júst til okkara tørv, soleiðis at vit kunnu veita kundum okkara tí bestu tænastuna, betra um manningaviðurskiftini, samstundis sum skipini er so umhvørvisvinarlig sum gjørligt, sum tryggjar ein grønari flutning.

Tað sigur Álvur Højgaard, stjóri í Navigare Shipping.

Hóast hækkandi rentur tyngdi rakstur felagsins nakað, so hilnaðist 2023 væl hjá felagnum. Ársúrslitið hjá Navigare Shipping fyri 2023 gjørdist 29 mió.kr., sum er áleið sama støði sum 2022.

Í samband við, at felagið hevur lagt nýggja strategi við at byggja nýggj skip, er avgjørt at styrkja felagið við nýggjum eigarum. Í hesum sambandi hava bæði verandi og nýggju partaeigararnir skotið pengar inn í Navigare Shipping.

P/F Royndin, sum hevur verið partaeigari síðan 2009, er keypt út, og nýggjur partaeigari er RMV Holding, sum er ein samanrenning av fleiri íleggjarum.

Sp/f Navigare við brøðrunum, Álvuri, Jan, Anfinni og Bárði Højgaard og Framtak eru framhaldandi partaeigarar í Navigare Shipping.

Mest lisið hesa vikuna

Nú kanst tú síggja lønina hjá grannanum ella stjóranum

13. november kl. 22:59

Landsstýrið black­list­ar 16 bygdi­r og bý­ir í Føroyum

Í gjár kl. 10:11

Eldur í á skipasmiðjuni á Skála

22 tímar síðan

Ókent ræðsluevni: Byrjaði at eta seg sjálvan

Í gjár kl. 14:27

Nøkur orð um skyldmannin Allan Enghamar

15. november kl. 17:35

Fyrrverandi NSÍ venjari er deyður

14. november kl. 17:37

Fleiri tíðindi

Tíðindi

Níggju fólk druknaðu í Noregi í oktober

23 minuttir síðan
Tíðindi
Haldaragrein

Advokaturin í barnagarðinum

33 minuttir síðan
Tíðindi

Norskur kalvaalari ætlar at útvega 140 milliónir krónur

57 minuttir síðan
Tíðindi

Zelenskyj í Berlin til stóran toppfund um Ukraina

1 tími síðan
Lesarabrøv

Viðhald frá kommunala eftirlitinum

2 tímar síðan
Tíðindi

Samstarvsskjal við Bretland verður undirritað í komandi viku

2 tímar síðan
Tíðindi

Ein stuttsøga um Flemish Kap

2 tímar síðan
Lesarabrøv

Skattapolitikkur kostar Føroyum meira, enn hann gevur

2 tímar síðan
Tíðindi

Nólsoyarbók er komin út á HandRit.fo

2 tímar síðan
Tíðindi

Fólkatingið hevur samtykt Grønlands-avtaluna

3 tímar síðan
Tíðindi

Býráðið í Havn við­ger fíggj­ar­ætl­an­ina fyri 2027 í dag

3 tímar síðan
Tíðindi

Putin: Ukraina og Evropa ikki eru til reiðar at gera semju

3 tímar síðan