Tríggir dystir vóru leiktir í Burn mansdeildini í dag.
Í høllini í Kollafirði endaði tað við javnleiki 23-23 millum KÍF og Neistan. Tony Weyhe javnaði til 23-23 tá sjey sekund vóru eftir av dystinum.
Í steðginum var Neistin á odda 12-8. Neistin var eisini á odda 21-17 tá fimm minuttir vóru eftir av dystinum, men við einum góðum endaspurti knógvaðuj kollfirðingar eitt stig.
Mikkel Vinther var toppskjútti hjá KÍF við seks málum. Lýðar í Dímun og Pauli Høj vóru toppskjúttar hjá Neistanum við fimm málum hvør.
Í høllini á Hálsi í Havn eydnaðist tað StÍF at vinna 29-25 á Kyndli. Í steðginum var StÍF á odda 14-13.
Tá 51 minuttir vóru leiktir var StÍF á odda 23-22. Tá megnaði StÍF at skora fýra mál á rað uttan, at Kyndil megnaði at svara aftur.
William Skovsager var toppskjútti hjá Kyndli við níggju málum. Toppskjúttar hjá StÍF við seks málum hvør vóru Pauli Rasmussen og Trúgvi Hávardsson.
Í Badmintonhøllini í Klaksvík vann VÍF stórsigur 39-22 á Team Klaksvík. Í steðginum vóru vestmenningar á odda 17-7.
Mathias Lassen Samuelsen var toppskjútti hjá Team Klaksvík við fimm málum. Sjúrður Olsen var toppskjútti hjá VÍF við 12 málum.
HER eru dómaraseðlarnir hjá HSF frá teimum trimum dystunum í Burn mansdeildini:
##med2##
##med3##
##med4##
