Fyrr í kvøld gjørdist tað greitt, at dysturin millum Team Klaksvík og VÍF í Burn mansdeildini í Badmintonhøllini var avlýstur vegna vánaliga veðrið sum er í kvøld.
Tað var ikki hugsingur um hjá vestmenningum at koyra til Klaksvíkar í kvøld.
Jólini stunda til, og umboð fyri Team Klaksvík sigur við in.fo, at tí verður útsetti dysturin ikki leiktur fyrrenn í januar.
VÍF er fremst í Burn mansdeildini við 15 stigum. Team Klaksvík er nummar fýra við níggju stigum.
