Frá fríggjadegnum 15. mai fara allar Bygdaleiðir at taka fleiri ferðandi, og samstundis er ikki longur neyðugt at bíleggja pláss.
Hetta upplýsir Strandferðslan á ssl.fo.
Tó verða hesar avmarkingar í ferðafólkatalinum:
22 ferðandi í stórum bussum
10 ferðandi í miðalbussunum
6 ferðandi í lítlum bussum
Heitt verður á ferðafólk at halda 1 meturs frástøðu, og hava gott reinføri.
Frá fríggjadegnum 15. mai verður farið aftur til ”vanliga” billetering, soleiðis at tað nú ber til at keypa ferðaseðil í bussinum.
Heitt verður tó á ferðafólk at ferðast við SSL-kortinum, skrivar ssl.fo.
