Fyrraverandi CIA-stjórin George Tenet skrivar í nýggjari bók, at tað var fyrst og fremst Dick Cheney, varaforseti, sum talaði fyri álopinum á Irak. Í bókini «At the center of the storm» skrivar George Tenet, at fleiri røddir vóru fyri at leypa á Irak, men at tað var Dick Cheney, sum gekk undan.
Hann skrivar eisini, at stjórnin og tann ovasta umsitingin umrøddu ongantíð, um tað bar til at fáa Saddam Hussein frá á annan hátt enn at leypa á Irak.
George Tenet var stjóri í fregnartænastuni CIA frá 1997 til 2004.
