Dámar væl eina undarliga verð
Kendi føroyingurin í Danmark, Dennis Agerblad úr Vestmanna, hevur nýliga givið út eina fløgu við yrkingum eftir Tórodd Poulsen.
Fløgan nevist Dennis Aferblad sings Tóroddur Poulsen og talan er um eina tvífløgu, við einari føroyskari fløgu, sum nevnist Málhøvd og einari danskari fløgu, ið nevnist Sproghoved.
Á fløgunum eru 12 yrkingar hjá Tóroddur Poulsen, ið vestmenningurin hevur smíðað løg til og sungið inn á føroyskum og donskum.
Dennis hevur serligan tokka til yrkingarnar hjá Tóroddi Poulsen, og hevur fleiri ferðir umsett og lisið upp, við effektum á røddini, bæði privat og á bókmentakafé
- At geva fløguna út á føroyskum og donskum, gevur eisini dønum møguleika, at sleppa inn í hansara undarligu verð, ið hóskar sera væl til mín, sigur Dennis.
Leggjast kann afturat, at Tóroddur Poulsen hevur hjálpt til og góðkent umsetingarnar.
