Amerikanarar við nógvum dollarum trýsta prísin uppeftir. Síðani 1. juli er tað vorðið dýrari at ættleiða børn.
Eitt nú kostaði tað fyrr 93.000 krónur at ættleiða eitt barn úr Korea, men í dag kostar tað 134.000 krónur, sigur danska útvarpið.
Sambært teimum, sum skipa fyri ættleiðingum, er tað serliga USA, sum trýstir prísin uppeftir. Eitt er, at USA hevur ikki skyldu til at halda somu reglur sum t. d. Danmark, og harafturat eru tað ofta amerikanarar við nógvum dollarum, sum vilja ættleiða børn.
