Í kvøld er aftur enskur fótbóltur á skránni fyri fyrstu ferð síðani 9. mars. Klokkan 18.00 skulu uppflytarnir úr Aston Villa spæla móti Sheffield United, sum hevur tikið øll á bóli í ár. Seinni í kvøld verður stórdystur millum Manchester City og Arsenal.
Tað hevur ikki verið enskur fótbóltur síðani 9. mars, tá koronasmittan legði Ongland og meginpartin av heiminum lamið. Lægru deildirnar í Onglandi eru avlýstar, men tað verður spælt liðugt í Premier League og The Championship, sum er næstbesta deildin.
Tað verður tó nakað øðrvísi enn vanligt. Tað verða ongir áskoðarar til dystirnar og Premier League hevur góðtikið eina broyting, sum gevur feløgunum møguleika at skifta fimm spælarar heldur enn tríggjar, sum hevur verið vanligt. Hetta fyri at ikki leggja ov stórt kropsligt trýst á spælararnar, nú kappinging byrjar aftur og tað verða nógvar dystir.
Tað verður eisini góður møguleiki at fylgja við, tí flestu dystirnir verða á serstøkum tíðspunktum. Tað verður spælt næstan hvønn dag fyrstu dagarnar og dystirnir eru næstan ongantíð í senn. Fyribils verður spælt fram til 26. juli, tá 38. og seinasta umfar verður.
Liverpool verður meistari fyri fyrstu ferð í 30 ár. Tað er bara ein spurningurin nær. Chelsea situr í løtuni á fjórða plássinum, sum gevur atgongd til Champions League, men er í harðari kapping við Manchester United, Wolverhampton, Sheffield United og Tottenham.
Í botninum er tykist greitt at Norwich flytur niður, men Aston Villa og AFC Bournemouth eru undir niðurflytingarstrikuni, men tað er ikki langt upp til feløg sum Watford, West Ham og Brighton.
| 1 | Liverpool | 29 | 27 | 1 | 1 | 66:21 | 82 |
| 2 | Man City | 28 | 18 | 3 | 7 | 68:31 | 57 |
| 3 | Leicester | 29 | 16 | 5 | 8 | 58:28 | 53 |
| 4 | Chelsea | 29 | 14 | 6 | 9 | 51:39 | 48 |
| 5 | Man Utd | 29 | 12 | 9 | 8 | 44:30 | 45 |
| 6 | Wolves | 29 | 10 | 13 | 6 | 41:34 | 43 |
| 7 | Sheffield Utd | 28 | 11 | 10 | 7 | 30:25 | 43 |
| 8 | Tottenham | 29 | 11 | 8 | 10 | 47:40 | 41 |
| 9 | Arsenal | 28 | 9 | 13 | 6 | 40:36 | 40 |
| 10 | Burnley | 29 | 11 | 6 | 12 | 34:40 | 39 |
| 11 | Crystal Palace | 29 | 10 | 9 | 10 | 26:32 | 39 |
| 12 | Everton | 29 | 10 | 7 | 12 | 37:46 | 37 |
| 13 | Newcastle | 29 | 9 | 8 | 12 | 25:41 | 35 |
| 14 | Southampton | 29 | 10 | 4 | 15 | 35:52 | 34 |
| 15 | Brighton | 29 | 6 | 11 | 12 | 32:40 | 29 |
| 16 | West Ham | 29 | 7 | 6 | 16 | 35:50 | 27 |
| 17 | Watford | 29 | 6 | 9 | 14 | 27:44 | 27 |
| 18 | Bournemouth | 29 | 7 | 6 | 16 | 29:47 | 27 |
| 19 | Aston Villa | 28 | 7 | 4 | 17 | 34:56 | 25 |
| 20 | Norwich | 29 | 5 | 6 | 18 | 25:52 | 21 |
