Talan er um eina útbygging, um 150 fermetrar til støddar, og umbygging av 80 fermetrum. Eftir útbyggingina hevur dagstovnurin fingið eina dagførda vøggustovu, verkstað og nýggj starvsfólkahølir, skrivstovu og fundarhøli.

Arbeiðið bleiv boðið út í høvuðsarbeiðstøku, og lisitatión var á kommunuskrivstovuni 18. januar 2024. Fýra tilboð komu inn. CJ Bygg bjóðaðu sær at gera arbeiði fyri 5.878.614,50 krónur.

Í næstum verður uppstartsfundur, og síðan verður gjørt klárt til at fara í gongd. Arbeiði fer eftir ætlan at taka 10 mánaðir.