13. oktober eitur Angelus. Fleiri halgimenni bera hetta navn. Navnið er latínskt og merkir eingil, tað er sendiboð. (Axel Tórgarð: Dagar og nøvn í álmanakkanum, 2. broytta útgáva 2008)
1792: Grundarsteinurin til tey Hvítu Húsini í Washington verður lagdur.
1884: Á fundi í London verður avgjørt, at 0-meridianurin skal ganga gjøgnum Greenwich.
1962: Leikurin »Hvør ræðist Virginiu Woolf?« hjá Edward Albee verður frumsýndur í New York.
1977: Fýra arabiskir yvirgangsmenn ræna eitt Lufthansaflogfar við 87 ferðafólkum yvir Mallorca. Teir krevja, at 11 fangar frá Rote Armee Fraktion verða latnir leysir. Via Cypros endar flogfarið í Mogadishu í Somalia, har servandar týskar deildir 18. oktober beint eftir midnátt leypa á flogfari og drepa yvirgangsmenninar. Teir høvdu tá dripið flogskiparan.
2005: Fyrstu fyribrigdi av vandamikla H5N1 virusinum, eisini nevnt fuglakrím, verður funnið í Turkalandi, og harvið er smittan staðfest í Evropa.
Av fólkum, sum eru fødd 13. oktober kunnu vit nevna:
1925: Gustav Winckler, danskur sangari, sum doyði í 1979 og Margaret Thatcher, fyrrverandi enskur forsætisráðharri. Hon doyði fyrr í ár.
1934: Nana Mouskouri, gresk songkvinna
1941: Poul Simon, amerikanskur sangari og sangskrivari
