Kendi kokkurin Gutti Winther saman við hjálparkokkum stendur fyri gastronomiska partinum av tiltakinum. Millum nógv forvitnisligt fáa luttakararnir hesaferð fyri fyrstu ferð høvi at royna Dalsgarðsskinkuna.
Henda skinkan er verkætlan hjá Torkil Dalsgaard, bónda á Dalsgarði, og Johan Mortensen. Í februar mánað í fjør vóru 50 skinkur hongdar upp í hjallin í Norðasta Haga, og nú verður mett, at skinkan er nóg búgvin. Februar og mars í fjør vóru sera kaldir við nógvum frosti og mett verður, at hetta var ein optimal byrjan til turkingina. Og Dalsgarðs-skinkan hevur premieru úti í Hattarvík leygardagin.
##med2##
##med3##
##med4##
##med5##
##med6##
##med7##
