Dan Olsen livir tónleikadreymin og hevur havt viðvind seinastu tvey árini. Hann hevur latið fleiri stakløg úr hondum og hevur bygt sær eitt lutfalsliga gott netverk upp í Onglandi. Hann hevur verið gestur í sending hjá viðurkendum bretskum útvarpsverti, og nú er ein videoupptøka frá vitjanini tøk á netinum. - Eg fekk møguleikan at spæla tvey av mínum løgum fyri kenda útvarpsvertinum Bob Harris, OBE, sum hevur arbeitt á útvarpsrásini hjá BBC í meir enn 40 ár. Hann verður kallaður "Whispering Bob", sigur Dan Olsen við in.fo.  Her kanst tú síggja upptøkuna av Heart into Trouble.