Í gjár var Daniel Elgarat saman við øðrum avvarðandi at gíslum í Gaza møttur til hoyring í stýrisskipanar-og lógarráðnum í ísraelska tinginum, Knesset.
Tað skrivar BT.
Kjakast bleiv um gíslaavtaluna, sum ísraelska stjórnin og Hamas samráðast um. Síðani beiggi hansara bleiv tikin gísli hevur Daniel Elgarat áhaldandi barst fyri, at ísraelska stjórnin skal fáa avtalu í lag við Hamas, soleiðis at gíslarnir verða leyslatnir.
Daniel Elgarat vísti Simcha Rhotman, sum er formaður í stýrisskipanar- og lógarráðnum, eina mynd av beiggja sínum sum mótmæli.
Ein annar avvarðandi helt hinvegin, at avtalan er skilaleys. Tá helt Daniel Elgarat fyri, at Simcha Rhotman hevði tikið styrk við sær. Hetta segði Daniel Elgarat, tí hann metti, at formaðurin, sum kemur úr tí ultra nationalistiska flokkinum, átrúnaðarlig sionisma, hevði syrgt fyri, at avvarðandi at gíslum, ið hildu tað sama sum flokkurin, vóru hjástødd.
Simcha Rhotman gav tí boð um, at Daniel Elgarat bleiv tveittur úr tinginum. Daniel Elgarat gjørdi mótstøðu, og sjey vaktir tóku hann burtur við makt.
Í samrøðu við Sosialin, tann 10. mai 2024, segði Daniel Elgarat soleiðis:
- Kríggi má enda og avtala koma í lag, soleiðis at gíslarnir verða leyslatnir. Stjórnin lovaði, at Hamas skuldi leggjast í oyði og gíslarnir leyslatnast. Men Hamas er framvegis har, og gíslarnir eru ikki fingnir aftur.
