“Vit skulu ikki heim, vit skulu víðari” er ein setningur, sum dankarar brúka í sigursrúsi, tá teir hava vunnið til eitt endaspæl. Í dag kann tann setningurin ikki brúkst til nakað, tí Danmark skal heim eftir tríggjar vánaligar dystir í Katar.
Avstralia er víðari við einum 1-0 sigri á Danmark, sum als ikki hevur spælt upp til sítt besta í Katar. Tunesia royndi eisini sítt og vann á Fraklandi, men tað er ikki nokk.
Avstralia – Danmark 1-0 (1-0)
1-0 Mathew Leckie, 60
Sjálvsálitinum bilti einki, tá Danmark fór á vøllin í Katar í dag. Kasper Hjulmand og hansara menn skuldi bara líka vinna á Avstralia, men so lætt gekk tað ikki. Meginparturin av donsku spælarunum, sum hava verið í stórformi seinastu tvey árini, spældu ikki upp til sítt besta.
Tað gekk illa at skapa møguleikar og ein stjørna sum Christian Eriksen spældi uttan yvirskot. Avstralia hevði lítið at hótta við, men sum dysturin gekk komu málmøguleikar eisini hinvegin. Ein teirra fekk Mathew Leckie ein møguleika og sendi bóltin flatt í málið.
Danmark megnaði ongantíð at reisa seg og heildarmetingin av hesum HM-endaspælinum, verður eitt stórt vónbrot.
##med2##
##med3##
Tunesia – Frakland 1-0 (0-0)
1-0 Wahbi Khazri, 58
Frakland var víðari sum bólkavinnari undan hesum dystinum. Tað sást á liðuppstillingini, har kanska ein ella tveir kunnu rokast sum vanligir startarar. Setningurin hjá Tunesia var greiður. Bara ein sigur kundi brúkast.
Miðskeiðis í seinna hálvleiki kom stóra løtan hjá Tunesia, tá Wahbi Khazri bleiv leysur í brotsteiginum og skoraði. Í hesi løtuni var Tunesia á veg víðari, men løtu seinni skoraði Avstralia í dystinum móti Danmark, sum merkir at Tunesia ikki kemur víðari, hóast flotta sigurin í dag.
Bólkur D:
1: Frakland 6
2: Avstralia 6
3: Tunesia 4
4: Danmark 1
