Fleiri aðrir dystir hava verið í kvøld, og umframt at Danmark tapti í seinasta minutti, var dysturin millum Serbia og Albania avblástur.
Danmark hevði bóltin meira enn Portugal gjøgnum dystin, men kreativu kreftirnar vóru ikki heilt til staðar.
Tá var Ronaldo meira sjónligur, og hevði enntá ein frírennara móti danska málinnum.
Danska verjan stóð væl, men tá klokkan vísti, at fimm minuttir vóru leiktir av yvirtíðini í seinna hálvleiki, eydnaðist Portugal at skora sigursmálið.
Í Serbia var dysturin steðgaður í fyrra hálvleiki, tá ein drona kom inn yvir vøllin við einm albanskum flaggi hangandi úr sær. Tað eydnaðist onkrum serbiskum leikara at hála flaggið niður, men tá byrjaðu fólk at renna inn á vøllin, so dómarin gjørdi av, at steðga dystinum.
Enn er ógreitt, hvat hendir við dystinum og við Serbia.
Annars megnaði Írland javnleik á útivølli móti Týsklandi.
Úrslitini av dystunum í kvøld vóru:
Bólkur D
Týskland-Írland 1-1 (0-0)
71. 1-0 Tony Kroos
90. 1-1 John O'Shea
Gibraltar-Georgia 0-3 (0-2)
09. 0-1 Nikoloz Gelashvili
19. 0-2 Tornike Okriashvili
69. 0-3 Jaba Kankava
Polen-Skotland 2-2 (1-1)
12. 1-0 Kizysztof Maczynski
18. 1-1 Shaun Maloney
57. 1-2 Steven Naismith
76. 2-2 Arkodiusz Milik
Bólkur E
San Marino-Sveis 0-4 (0-3)
10. 0-1 Haris Seferovic
24. 0-2 Haris Seferovic
30. 0-3 BlerimDzemaili
79. 0-4 Xherdan Shaqili
Bólkur F
Føroyar-Ungarn 0-1 (0-1)
22. 0-1 Adam Szalai
Finland-Rumenia 0-2 (0-0)
54. 0-1 Bogdan Stancu
83. 0-2 Bogdan Stancu
Grikkaland-Norðurírland 0-2 (0-1)
09. 0-1 Jamie Ward
51. 0-2 Kyle Lafferty
Bólkur F
Danmark-Portugal 0-1 (0-0)
95. 0-1 Christiano Ronaldo