Christianskirkjan bjóðar vaksnum fólki, ið hava mist ein av sínum kæru, at koma í ein sorgarbólk.
- Vit savnast tíggju ferðir, har ymisk evni verða tikin upp, og har hvør luttakari hevur høvi at tosa um sína støðu.
Tey, sum standa aftan fyri tiltakið, vísa á, at í einum sorgarbólki møtir tú øðrum, sum hava mist. Tú kanst tosa um alt tað, sum er torført og hoyra um, hvussu onnur hava tað.
- Tú kanst finna stuðul og møguligar loysnir til ein øðrvísi gerandisdag, siga stigtakararnir.
Tað eru prestarnir, Marjun Lómaklett og Hanus á Gørðum, sum saman við Elisabeth Akursmørk og Gudny Magnussen, leiða bólkin, og hetta er eitt ókeypis tilboð.
Sorgarbólkurin í Christianskirkjuni í Klaksvík hittist fyrstu ferð mánadagin 18. januar klokkan 18.
