Danska veðurstovan DMI roknar við, at tað verður regn ella ælaveður stóran part av tíðini um vikuskiftið.
DMI sigur, at í dag verða 2-7 m/s av útsynningi, móti kvøldi upp í 10 m/s av suðri. Samdrigið og regn av og á, í nátt meira samanhangandi regn av suðri. Hitin í dag millum 7 og 10 stig, í nátt millum 5 og 8 stig.
Sunnudagin verða 2-7 m/s av suðri og landsynningi, seinnapartin 5-10 m/s av útnyðringi. Skýggjað og regn, men sum frálíður klárari í veðrinum, tó framvegis møguleiki fyri onkrum æli. Hitin um dagin millum 8 og 11 stig, um náttina millum 5 og 9 stig.