Tað er átaluvert, at løgmaður ikki hevur brúkt upplagda møguleikan á fundinum í Arktiska ráðnum at fáa ES at taka aftur sína hóttanir um at revsa Føroyar.
Tað sigur Edmund Joensen, fólkatingsmaður Sambandsfloksins. Hann vísir á, at inuittar í Nunavut í Kanada kláraðu at seta ES skák mát við at taka aftur boykoytt móti kópavørum úr Kanada.
Man má taka hattin av fyri inuittum í Nunavut, sum er partur av Kanada. Inuittarnir vunnu nevniliga ein týðandi sigur á Europasamveldinum á fundinum í Arktiska Ráðnum, sigur Edmund Joensen.
Á fundinum steðgaðu Nunavut-inuittarnir, umvegis kanadisku stjórnina, ES í at gerast eygleiðaraland í Arktiska Ráðnum.
Orsøkin er, sigur Edmund Joensen, at ES fyri nøkrum árum síðani setti bann fyri innflutningi av kópavørum úr Kanada. Hesar vørur, m. a. kópaskinn, eru tilverugrundarlagið hjá inuittunum í Nunavut.
Hetta bann vilja teir hava burtur, sigur Edmund Joensen.
Í Arktiska Ráðnum verða avgerðir tiknar í fullari semju, og tað gevur í praksis limalondunum vetorætt. Henda rætt hevur Kanada brúkt. Landið krevur, at ES skal taka burtur innflutningsbannið móti kanadiskum kópavørum, áðrenn samveldið fær eygleiðarastatus í Arktiska Ráðnum. Hesum hevur ES nú boygt seg fyri, sigur Edmund Joensen.
Lesið átaluna frá Edmund Joensen VIÐ AT TRÝSTA HER
