– Eg fari at geva boð hósdagin, um eg stilli upp til býráðsvalið aftur ella ikki.
Tað sigur Sjúrður Olsen, sum hevur býráðslimur fyri Fólkaflokkin í Havn seinastu 16 árini.
Á valinum seinast var hann fyrstvaldur á listanum hjá Fólkaflokkinum við 310 persónligum atkvøðum.
Sjúrður Olsen er ein av stjórinum hjá Timburhandlinum Bygma Balslev, og tað hóskar ikki serliga væl saman við býráðsarbeiðinum, sigur hann.
– Tað eru nógvir fundir um dagin, sum fara við nógvari tíð. Serliga tá tú ert nevndarformaður, og tað passar illa, tá tú skalt virka í privata vinnulívinum eisini, sigur hann.
Hin býráðslimurin hjá Fólkaflokkinum í Havn, Bogi Andreasen, stillar uppaftur. Og tað ger Jan Christiansen, sum ikki varð valdur seinast, men sum hevur sitið í býráðnum í 28 ár, eftir øllum at døma eisini.
Freistin at lata inn listarnar nærkast. Tríggjar viku fyri valið skulu listarnir verða inni. Tað er 18. oktober.
